Nangipatungpal ₱3 rollback tunggal kilo ti Liquefied Petroleum Gas (LPG) wenno cooking gas idi agsapa ti Biernes dagiti LPG companies.
Katupag daytoy ti ₱33 deduction iti tunggal 11-kilogram a tangke.
Segun ken ni LPG Marketers’ Association (LPGMA) President Arnel Ty, iti panagbaba ti presio ti LPG ket gapu ti nalaklaka a gastos iti panagipatulod ken transportasion.
Makuna a posible a mapasarunuan daytoy ti sabali pay a rollback depende iti panaggaraw ti presio ti langis iti merkado.
Kabayatanna, maipalagip a pinermaan ni Presidente Ferdinand Marcos Jr. ti executive order a mangsuspende iti excise tax iti LPG ken kerosene iti tallo a bulan kas paset ti addang ti gobierno tapno maksayan iti epekto ti krisis iti nangis.###
