Panagngato iti presio ti produkto a petrolio, epektibo ita nga aldaw

Epektibo ita nga aldaw ti Martes, Hulyo 7 iti kabaruan a panagngato ti presio ti produkto a petrolio, segun ti Department of Energy (DOE).

Maibasar iti abiso ti ahensia, posible a mangipatungpal dagiti kompania ti lana ti nagduduma a panagngato wenno panagbaba iti presio dagiti produkto a petrolio:

Gasolina: posible a bumaba ti ₱1.75 wenno ngumato ti ₱0.25 tunggal litro
Diesel: posible a ngumato ti ₱1.57 agingga ₱3.57 tunggal litro
Kerosene: posible a ngumato ti ₱1.70 agingga ₱3.70 tunggal litro

Daytoyen iti maikadua a nagsaruno a panagngato iti presio ti gasolina ken diesel, ken agtultuloy a mangipakpakita ti upward trend iti presio ti petrolio iti pagilian iti sibubukel a tawen.

Kagiddan daytoy, inbatad ni Energy Secretary Sharon Garin iti singasing nga amendaran iti Oil Deregulation Law.

Karaman ditoy iti plano a mangipasdek ti government fuel reserve nga umdas iti 60 nga aldaw a supply, ken panangpalawa ti inventory requirement dagiti oil companies manipud 15 agingga 30 nga aldaw.

Segun met iti DOE, agtaltalinaed nga umdas iti supply ti gasolina ken diesel iti pagilian, bayat a nangatngato pay iti imbentario ti kerosene ken jet fuel.

Kenuna met ti DOE a bimmaban iti presio ti krudo iti sangalubongan a merkado, ngem saan pay daytoy a naan-anay a marikna iti pump prices ti pagilian.

Maipatungpal iti panangato ti presio dagiti produkto a petrolio dagiti kompania ti langis ita nga alas-sais ti bigat.###