Manamnama a ngumato ti agingga ₱2.90/L iti presio ti diesel, bayat a manamnama a bumaba ti ₱1.50/L iti gasolina, ken ngumina met ti ₱4.70 iti kerosene inton bigat, aldaw ti Martes, June 9, 2026.
Maibasar iti Mean of Platts Singapore (MOPS) trading ken foreign exchange averages iti napalabas nga uppat nga aldaw, kenuna ti maysa nga oil industry source a namnamaen dan iti dagdag-bawas iti presio dagiti produkto a petrolyo.
Malaksid ditoy, posible a palukayan ti Department of Energy (DOE) iti agdama nga alagaden iti panangingato ken panangibaba ti presio dagiti produkto a petrolyo tapno maikkan ti dakdakkel a wayawaya dagiti oil companies a makasay iti pabaliw-baliw a garaw ti presyo ti langis iti sangalubongan a merkado.
Segun kenni Enegry Secretary Sharon Garin, ad-adalen ita ti ahensia no kasano nga in-inut a kissayan iti nainget a panagbantay iti presyo bayat a sigsiguraduen iti proteksion para kadagiti gumatang.###
