Apagapaman a ngimmato iti presio ti langis iti sangalubongan a merkado bayat nga agtultuloy iti tension iti nagbaetan ti Estados Unidos ken Iran.
Agtaltalinaed met a sensitibo iti sitwasion ti Strait of Hormuz, ti ruta a pagdaldalanan ti nasurok-kumurang 20% a suplay ti langis iti lubong.
Ngimmato ti 0.9% iti Brent crude ti $72.51 tunggal bariles, bayat a ngimmina ti dandani 1% iti U.S. WTI crude ti $69.94 tunggal bariles.
Agdandanag manen iti merkado kalpasan dagiti panagraut kadagiti lugan-pangbaybay ken sinnukat ti airstrike, a nangigubuay iti panagbuntog ti trapiko dagiti oil tankers iti Strait of Hormuz.
Gapu ti daytoy, ado a barko iti dumaldalan iti ruta nga asideg iti kabaybayan ti Oman kas panagannad.
Segun kadagiti eksperto, mabalin nga agtalinaed a nangato iti presyo ti langis gapu ta dumanon pay ti sumagmamano a bulan sakbay a maisubli iti normal iti operasion ken panaggunay dagiti oil tanker.
Kabayatanna, dandani awan ti nagbaliwanan iti stock futures bayat nga agtultuloy a mabanbantayan iti sitwasion idiay Middle East.###
