BR LA UNION – Nagballaag ti maysa a grupo nga agmon-monitor ti flight risks a posible ngumato ti pangta kadagiti American airline operators idiay Middle East, kalpasan a binomba ti Estados Unidos iti nuclear sites ti Iran.
Malaksid pay dagiti serye ti sinnukat ti missiles iti baetan ti Israel ken Iran, a lis-lisyan dagiti airline.
Gapu iti daytoy, adu nga airlines iti nagkanselar ti flights idiay Dubai kalpasan ti security assessment.
Kalpasan ti agsasaruno a missile attack ti Iran, temporaryo a linuktan ti Israel ti airspace-na iti innem nga oras idi Domingo tapno makaawid dagiti turista a naipit gapu iti nakaru a panaglalaban.
Segun iti Safe Airspace a mabalin a kumaro ti peggad kadagiti operator ti eroplano ti U.S. gapu iti posible a panagibales ti Iran kadagiti interes ti militar ti Amerika iti rehiyon.
Impakita pay ti FlightRadar24 a pil-pilyen ti sumagmamano a kompanya ti eroplano dagiti alternatibo a ruta iti amianan ti Caspian Sea wenno via Egypt ken Saudi Arabia, uray no ad-adu ti magastosda iti gasolina ken napapaut ti panagbiaheda.
Kabayatanna, adu payen ti nagsuspende iti flights dagiti apektado a pagilian, bayat nga agtultuloy iti evacuation flight manipud kadagiti kabangibang a pagilian.
Malaksid iti rerouting, madanagan dagiti kompanya ti eroplano iti posible a panagngato ti presyo ti lana gapu iti panangraut ti Estados Unidos, a mangingato ti gastos iti jet fuel.
Sakbay pay dagiti ti U.S. strikes, kinanselar ti American Airlines dagiti biyahe da nga agturong idiay Qatar ken Dubai.
