Nilamon dagiti dadakkel a bato ken nyebe manipud ti Birch Glacier iti Blatten village sadiay Lötschental Valley, Switzerland kasaruno ti panagreggay ti paset ti bantay iti nasao a lugar.
Segun kadagiti otoridad, 90% iti village ket naperdi kasruno metten ti panagbara ti reggaay iti karayan a nangigubuay pay ti peggad ti layos gapo iti naurnong a danum.
Kabayatanna, agingga 300 kadagiti residente met ti na-evacuate, agraman dagiti ayup kalpasan a mapaliiw ti panaggaraw ti glacier.
Maibasar met ti damag dagiti maseknan, maysa a 64-anyos a lalaki ti mapukpukaw ken awan sarday met ti isaysayangkat nga search and rescue operations babaen ti drones nga addaan ti thermal camera dagiti otoridad.
Nakaalerto met ti military forces ti Switzerland tapno tumulong para ti posible nga operasyon iti panagdalus ken panagsalakan iti biag ti nasao a lugar.
Kinuna ni Swiss Environment Minister Albert Rösti a ti insidente ket naisangsangayan ken nagsapata a tumulong ti gobierno kadagiti umili da a napukawan ti pagtaengan.
Madanagan met dagiti Swiss glaciologists mainaig ti epekto iti global warming nga isu ti rason iti napartak a pannakatunaw dagiti glaciers, nun sadino ket 4% ti glacier volume ti naikissay ti pagilian da idi laweng tawen 2023 kasaruno ti 6% a panagbaba daitoy idi tawen 2022.
