BR LA UNION – Nangrugin nga agsubli dagiti biyahero idiay Metro Manila ita nga aldaw ti Domingo, Easter Sunday, kalpasan ti uppat nga aldaw a Holy Week break, kas panagsagana iti panagsubli iti trabaho ken klase inton Lunes (Abril 21).
Iti bus terminal idiay EDSA Kamuning ken Cubao, Quezon City, nagsangpeten dagiti pasahero manipud iti probinsya.
Namnamaen iti ad-adu pay a panagsangpet dagiti pasahero nangrugi itay malem agingga agsapa ti Lunes, Abril 21.
Kabayatanna, maipagarop nga umdas ti bilang dagiti bus nga agbibiyahe agturong iti probinsya tapno bunagen pasaheros nga agawid idiay Manila.
Adda manen panagirut ti taray ti trapiko, kangrunaan iti aglawlaw ti terminal, gaputi panagsangpet dagiti bus ken panaguray iti taxi.
Inyanunsyo ti Land Transportation Office–NCR a nangiyuswat da ti “Oplan Isnabero” ita nga aldaw, Abril 20, tapno agtiliw iti taxi driver nga agpili ti pasahero kadagiti kangrunaan a terminal.
Idiay Pasay City, nagsangpeten dagiti pasahero manipud Quezon ken Batangas idiay Taft Avenue bus terminal agarop alas-3 itay parbangon.
Idiay met Parañaque Integrated Terminal Exchange (PITX), nangrugin nga agsubli dagiti pasahero. Target ti PITX iti 2.5 milyon a pasahero ita a Semana Santa nga agawid idiay Manila.
Awan met ti nailista a nagpositibo iti naisayangkat a random drug testing kadagiti kameng ti PITX.
