LA UNION – Isagsaganaanen dagiti papadi iti panagtugaw ti baro nga obispo iti ciudad ti San Fernando, La Union.
Iti pannakiuman ti Bombo Radyo kenni Fr. Nolan Nabua, parish priest ti St. William de Archangel Parish Church idiay ili ti Bacnoton, agtataripnong dagiti amin a papadi iti probinsya tapno pagsaritaan iti aramiden a panagsagana.
Maipalagip, immunan a naipadamag a ni Monsignor Daniel Presto ti sumukat iti binakante a posisyon ni sigud a Bishop Rodolfo Beltran nga pimmusay idi napan a tawen.
Ni Msgr. Presto ket manipud idiay Iba, Zambales ken agtugaw kas ma-ikanim nga obispo ti La Union inton August 2, 2018 agarop alas 9:00 ti bigat.
