Maysa a napateg nga addang ti hustisya para kenni House Speaker Ferdinand Martin Romualdez ti pannakaarestar kadagiti dua a suspek a nangpapatay iti opisyal ti Kamara a ni Director Mauricio “Morie” Pulhin.
Impaganetget ni Romualdez a rugrugi paylaeng daitoy a dalan tapno masukimat ken matiliw dagiti sabali pay a kakunsabo, nangruna kadagiti utak ti krimen.
Nadakamat manipud ti imbestigasyon a dagiti suspek ket masya a middleman ken maysa a look out. Nirentaan isuda ti agassawa a sigud nga empleyado ni Pulhin a plano kuma a mapilaan ti kaso a qualified theft ken estafa.
Impakdaar ni Romualdez kadagiti saan pay natiltiliw a suspek a saan da a madulinan ti inaramid da a krimen ken agtungpal dan tu metlaeng iti sidong ti linteg.
Impasiguro ay ti Speaker iti pamilya Pulhin nga agtultuloy a makitinnulong ti Kamara kadagiti otoridad tapno naan-anayen a magun-od da ti hustisya.
