Kinontra ti Armed Forces of the Philippines (AFP) iti agtultuloy a panangawag kas “18 Marines” kadagiti nagbalin a bagmen ni sigud a Congressman Zaldy Co, a mapapati a nangipatulod iti male-maleta a gatad ti kwarta kadagiti sumagmamano a nabibileg nga indibidwal.
Iti waragawag ni AFP Chief Public Affairs Office chief Col. Xerxes Trinidad, kiniddaw na para iti militar a saanen nga awagan kas “18 marines” wenno “ex-marines” iti grupo agsipud ta saan met nga amin a miembro da ket paset iti Philippine Marine Corps.
Impaganetget pay ni Trinidad nga awanen iti serbisyo dagiti sigud a soldado idi nagtrabaho da kas security personnel ni Zaldy Co.
Kabayatanna, imbatad met ti Philippine Navy a dagiti dadduma kadagiti nagpaam-ammo a marines ket naikkat wenno ‘dishonorably discharged’ gapo kadagiti naaramid da a panaglabsing.
