BR LA UNION – Mamati ti maysa a nangputar iti 1987 Constitution a SAAN a mailabsing iti linteg ti panangidatag iti impeachment complaint kontra kenni Vice President Sara Duterte, agsipudta naidatag iti agpada nga aldaw ken saan a limbes iti limitasyon nga “once a year” nga intuding ti linteg.
Daytoy iti pammati ni sigud a Supreme Court Justice ken 1987 Constitution framer Adolfo Azcuna.
Impaganetget ni Azcuna, a maibasar iti depinisyon ti “tawen” iti Civil Code a kaibatugan ti 365 days, ti kayatna sawen iti “more than once a year” ket maibilang a “nasurok maysa nga aldaw iti maysa a tawen,” agsipudta “aldaw” iti kabassitan a yunit ti maysa a tawen.
Kinuna na nga amin a panangirugi ti impeachment proceedings a napasamak iti uneg laeng ti maysa nga aldaw iti uneg ti maysa a tawen ket saan a mailabsing iti Section 3, Subsection 5, Article XI ti Konstitusyon.
Innayonna, a ti “once a year rule” ket tapno limitaran iti oras a mapukaw kadagiti official duties ti agpada nga opisyal ken Kamara.
Impaganetget ni Azcuna nga uray iti sidong ti baro a depinisyon ti “initiating,” dagiti uppat a reklamo a narugyan iti maymaysa nga aldaw ti sesyon — Pebrero 5, 2025 — ket saan a mailabsing iti allagaden a “more than once a year” rule.
