Itantandudo ti sumagmamano a lider ti Kamara nga amyendaran ti Tax Reform for Acceleration and Inclusion wenno TRAIN Law tapno ikkatenen ti excise tax ti langis.
Nakapauneg daitoy iti House Bill 11369 a singasing nga inpila da House Speaker Ferdinand Martin Romualdez, Senior Deputy Speaker Aurelio Gonzales, Majority Leader Mannix Dalipe, Tingog party-list Representatives Yedda Romualdez, ken Jude Acidre.
Impasiguro met ni House Committee on Ways and Means Chairman ken Albay Representative Joey Salceda, kakadwa dagiti stakeholders, nga adalen da a nalaing daitoy a singasing nangruna iti mabalin nga epekto nan to ti pagilian.
Segun kenni Salceda, tawen 2023 pay laeng idi inkonsidera da ti panagaramid ti fuel excise tax adjustment.
Gapo iti daitoy ket nagkari met ni Salceda nga aramiden ti Kamara ti am-amin tapno mapababa ti singir ti kuryente ken ti gastusen inaldaw ti tunggal pamilyang Pilipino.
