BR LA UNION – Inladawan ti Malacañang nga adayu nga amang nu ikumpara ni sigud a president Rodrigo Duterte kenni late Senator Benigno ”Ninoy” Aquino Jr., agsipudta awan ti anyaman a record wenno pakasaritaan ti crimes against humanity ti napapatay a daydi Aquino.
Iti press briefing idiay Malacañang, imbaga ni Palace Press Officer Undersecretary Atty. Claire Castro, saan a mapag-kumpara iti nagbanagan da Duterte ken Aquino.
Impalagip ni Castro, nga idi tawen 2016, imbaga ni sigud a presidente Duterte a nakasagana a mangtulad kadagiti inaramid ti german leader a ni Adolf Hitler a pinapatay na dagiti Jews a kriminal iti pagilian da.
Reaksiyon daytoy ti Palasyo iti imbaga ni Vice President Sara Duterte, a posible a mapasamak iti ama na a ni Duterte iti kas ti napasamak daydi sigud a senador Ninoy Aquino a na-assassinate idi nagsubli ditoy pagilian.
