BR LA UNION – Inwaragawag ti Department of Budget and Management (DBM) iti tarigagay a panangipaay ti gobyerno ti medical allowance para kadagiti empleyado ti gobyerno, mangrugi ita a tawen 2025.
Maibasar daytoy iti inaprubaran ti Department of Budget and Management a Budget Circular No. 2024-6, nga addaan tarigagay a suruten dagiti allagaden ken regulasyon iti panangipaay ti medical allowance, a mangrugi a maipatungpal kadagiti kwalipikado a kameng ti gobyerno manipud iti Fiscal Year 2025.
Maipaay daytoy kadagiti ahensya ti gobyerno, kas iti state universities and colleges, government-owned and controlled corporations (GOCCs) a saan a sakop iti espesyal a linteg (iti Republic Act No. 10149 ken EO No. 150, series of 2021).
Sakopenna pay dagiti kameng ti lokal a gobyerno ken local water districts, anyaman iti posisyon iti trabaho — regular, casual, wenno contractual; full-time man wenno part-time.
Iti nasao nga inisyatiba ket naaprubaran iti sidong ti Executive Order No. 64 a pirmado ni President Ferdinand Marcos Jr.
Dagiti empleyado ket makaawat ti P7,000 medical allowance a tinawen tapno matulungan dagitoy a makaala ti benepisyo manipud Health Maintenance Organization (HMO).
