LA UNION – Kinundina ni Balaoan, La Union Mayor Aleli Concepcion iti napasamak a panangtambang kadakuada a nagbanag ti pannakatay iti amana a vice mayor karaman ti maysa a body guard da.
Iti official statement ti alkalde, agpanpanawagan daytoy iti patas ken nauneg nga imbestigasyon maipapan ti napasamak, ken mangnamnama met isuna a magun-od ti hustiysa.
Inladawan met ni Mayor Aleli, a maysa a kita ti barbaric act iti napasamak a kinadamsak ken impaganetgetna a panangsubutahe kontra iti administrasyonda ti panangpapatay iti amana.
Kabayatanna, amin a barangay hall idiay ili ti Balaoan ket naisab-itan iti nangisit a tela kas panawagan iti hustisya ken panangkundena iti panangpapatay kenni Vice-mayor Al-fred.
