Itantandudo ni Presidente Ferdinand Marcos Jr. ti panagusar ti smart farming wenno high technology farming tapno masiguro ti food security ditoy Pilipinas.
Maipalagip a maysa ti modernisasyon ti agrikultura kadagiti kangrunaan a panggep ti administrasyon ni Presidente Marcos.
Segun iti presidente, dagiti agricultural innovation ket rumeng laeng nga adalen ken suportaran ti gobierno agsipud ta saan laeng a mainaig iti panagpangato ti apit di ket agraman payen ti panagpasayaat ti nutrisyon ken salun-at ti publiko.
Inaramid ni Presidente Marcos ti waragawag kasaruno ti panagbisita na ti 3.5-ektarya a greenhouse facility ti Metro Pacific Fresh Farms idiay San Rafael, Bulacan idi laeng kallabes.
Bimmida iti pasilidad dagiti advance farming systems a mangigubuay dalan para ti intero a tawen a produksyon ti nateng ken prutas a lima a daras a nangatngato ngem ti tradisyonal a panagtalon.
