Inwaragawag ni Senate Committee on Finance Chairman Senador Sherwin Gatchalian a napateg iti panangpawayway ti session tapno maipaayan ti panawen iti panag-imprenta ti draft enrolled bill ken maibinglay daytoy, saan laeng kadagiti miembro ti bicameral conference committee no di ket para kadagiti dadduma a senador.
Segun kenni Gatchalian, target a mapermaan iti draft enrolled bill ken ti bicam report inton Disiembre 28, alas-10 ti bigat, sakbay a maisayangkat iti ratipikasion inton Disiembre 29.
Impaganetget met ni Senate President Vicente Sotto III a saan a palubusan ti agdama a liderato iti maaw-awagan a “blind ratification.”
