Sentro iti naangay nga 27th Parliamentary Intelligence-Security Forum ti luawlawa nga impluwensya ken agresibo nga addang ti China nga arig na pangta para ti intero a lubong.
Nagpakdaar ti maysa nga security expert ken dagiti mamanday-linteg manipud Estados Unidos mainaigi kumrkro military agression, economic coercion, ken sikreto a panakibiang ti Beijing kadagiti democratic countries.
Binabalaw da sihgud nga U.S. Congressman Robert Pittenger, US Senator Bill Cassidy, ken Deputy National Security Advisor Matt Pottinger ti araramiden ti China.
Inakusaran da ti Chinese Communist Party (CCP) a angpapakapsot iti orld peace babaen ti economic manipulation, panakibiang ti politika, ken panagpalawa ti militar da ti nadumaduma a pagilian.
Segun kenni sigud nga US Congressman Pittenger, ti China ti kangrunaan nga tagasuporta ti authoritarian regime.
Binabalaw na pay ti panagusar ti China iti cyber warfare, economic coercion, ken illegal financial network tapno makontrol ti politika dagiti nakakapsot a pagilian, karaman ditan ti Pilipinas.
Iti maysa a mensahe ti video, nalawag nga imbaga ni Cassidy nga us-usaren ti Beijing ti panagkunniber tapno maparmekna ti demokrasia.
Namakdaar pay mainaig iti panangusar ti China kadagiti dadduma a ganggannaet a lider babaen kadagiti ilegal a pinansial nga insentibo a mangiturong iti panagpannuray iti ekonomia.
Intudona a ti kangrunaan a puntiria ti China para ti expansionist tactics ket ti Pilipinas.
Nangnangruna ditoy ti ilegal nga iseserek da sadiay West Philippine Sea, militarisasion dagiti artipisial nga isla ken panangriribuk kadagiti Pilipino a mangngalap, nga isu ket kinapungtot ti pagilian.
Dinakamat na ti nasaknap a panagusar ti debt-trap diplomacy ti China a nangmanipula kadagiti gobierno idiay Aprika, Latin Amerika ken Southeast Asia babaen kadagiti pautang para kadagiti proyekto ti imprastruktura.
Kabayatanna, inladawan ni Pottinger ti estratehia ti China kas silent Cold War nga agus-usar iti pannakaiwaras ti di umiso nga impormasion, panagpannuray iti ekonomia ken pammutbuteng iti militar tapno mangparmek ti demokrasia.
Binabalaw ni Pottinger ti panagiggem ti China iti COVID-19 aglalo iti panangidulin da ti napasamak nga outbreak sadiay Wuhan a nagresulta ti pandemya ken nakatayan ti adu nga tao.
Kinondenar na pay ti panagtakaw ti China kadagiti intellectual properties, makadadael nga trade policies, ken pollution ti aglawlaw nu sadino China ti numero uno a polluter ti intero a lubong.
Nagpakdaar pay isuna ti koneksyon ti China kadagiti awtoritaryanismo, partikular ti katulagan ti nagbaetan ti Chinese Communist Party ken ni Vladimir Putin sakbay a ginera ti Russia ti Ukraine.
Mainayon pay ti panangpapigsa ti China ti militar ti Moscow kabayatan ti panagsagana da ti panangsakop ti Taiwan.
Pammaregta ita ni Pottinger kadagiti demokratiko nga pagilian a papigsaen ti pananglapped ti militar ditoy Indo-Pacific, harangan ti access ti China iti Western technology ken capital, ipawil dagiti plataporma a kontrolado ti CCP kas iti TikTok ken WeChat kasta met iti panangpatibker ti alyansa pang-ekonomiya ken political kontra iti pang-abuso ti Beijing.
