Kumarkaro pay ti peggad ti panagbisin idiay Gaza gapo iti agtultuloy a panaglapped kadagiti humanitarian aid kas iti taraon gapo paylaeng ti agraraira a blockade.
Ti pakabuklan a 2.1 milyon a populasyon ti Gaza ket makapadpadas ita ti nakaro a kiakurang ti taraon, nu sadino ket agingga kagudwa a milyon ket kritikal ti kasasaad da ti panagbisin, malnutrisyon, sakit, ken posible a kamatayan.
Segun iti kabaroan a panagadal ti Integrated Food Security Phase Classification (IPC), 3/4 manipud ti populasyon ti Gaza ket adda ita iti “Emergency” wenno “Catastrophic” a lebel ti kaawan ti umdas a nutrisyon.
Nangrugi ti blockade idi Marso 2, 2025 ket 57 nga ubbingen ti naipadamag a natay gapo iti epekto ti malnutrisyon ken manamnama pay a ngumato daitoy a bilang.
Nagpanawagan ti World Health Organization (WHO) ti madagdagos a panangipaay ti tulong, panmagleppaen iti blockade, ken proteksyon iti salun-at tapno maliklikanen ti kumarkaro a krisis idiay Gaza.
