Inruaren ti Israel ti pakabigbigan dagiti kautibo a nakatudiong a waya-wayaan ti Hamas inton aldaw ti Biyernes.
Segun iti Israeli Prime Ministers Office, karaman ti mawaya-wayaan ket dagiti lima nga Thai Nationals.
Dagiti met tallo nga Israelis ket nabigbig nga isuda Arbel Yehud, 29-anyos, Agam Berger, 19-anyos ken Gadi Moses, 80-anyos.
Adda pakabuklan nga 33 Israeli ti hinostage dagiti Hamas idi October 7, 2023 ti nakatuding da a waya-wayaan para iti phase one ti ceasefire deal ti baetan ti Hamas ken Israel.
Kinuna pay ni Israeli government spokesperson David Mencer a dagiti walo a nabatbati nga kautibo ket natnatayen.
Ni Yehud ket nahostage iti pagtaengan na kadwa ti nobyo na a ni Ariel Cunio bayat a ni Moses nga maysa nga agronomist ket nahostage idiay Kibbutz community, ken ni Berger a maysa nga sundalo ket nahostage mismo iti maysa nga base militar ti Israel.
Karaman iti first phase ti ceasefire deal ket ti panangi-release ti Israel kadagiti dua ribo a Palestinian prisoners nu sadino ket nalpasen ti dua a rounds ti hostage-releasing.
Maipalagip a nakiballaet ti Estados Unidos, Egypt, ken Qatar tapno iduron ti ceasefire deal ti baetan ti Israel ken Hamas.