Mamati ni Presidential Adviser for Poverty Alleviation Secretary Larry Gadon a nalilikan kuma ni sigud a presidente Rodrigo Duterte ti naan-anay a pannakaarestar nu napagtalinaed na laeng a napirmis ti relasyon na kenni Presidente Ferdinand Marcos Junior.
Impaganetget ni Gadon a mabalin kuma a sinango ni Duterte dagiti kaso na kadagiti lokal a kore ditoy PIlipinas ken ditoyen a maisayangkat ti serye dagiti pannakalitis.
Nu adda man ti mairuar a warrant of arrest kontra ti sigud a presidente, mabalin kuma kunana a kiddawenna ti house arrest wenno hospital arrest ken agtalinaeden ditoy Pilipinas.
Nupay kasta, impaganetget ti sekretaryo a saan a nagbalin a nasayaat ti sigud a presidente iti agdama nga administrasyon ken agarop inaldaw a banbanatan na ni Presidente Marcos.
Inaldaw kunana nga awawagan na ti presidente a ‘bangag’ ken ‘adik’ agingga kadagiti supporters na ket sumabsabqay metten iti serye dagiti pammabalaw iti agdama nga administrasyon.
Imbutaktak na pay nga inrekomenda na kenni sigud a presidente Marcos a kasoan lattan ni Duterte iti sabali a kaso kas kuma iti murder tapno lokal a korte ti agdengngeg kenkuana.
Iti kastoy a wagas ket dagiti lokal a korte ti Pilipinas ti makaala ti hurisdiksyon ti sigud a presidente a saanen a kasapulan pay a sumrek ti International Criminal Court.
Nupay kasta, agtultuloy ti pammabalaw ti kampo ti sigud a presidente ken nakakaro pay nga immadu ti mangbanbanat iti administrasyon ti Marcos.
Immuna metten a nagtignay ti administrasyon ni Marcos a makitinnulong daitoy ti International Criminal Police (Interpol) Organization iti pannakarestar ti sigud a presidente kas paset ti panagkumit ti pagilian iti nasao nga organisasyon gapo iti panagbalin ti Pilipinas a member-state.
