BR LA UNION – Inalun-un ti dakkel a sinkhole iti paset ti kalsada idiay Shanghai, China a nakaigapwan ti nairut a taray ti trapiko iti nasao a lugar.
Makita iti nagwaras a video online, a napartak a narsuod ti nalawa a paset ti kalsada, a nangibati ti nauneg nga abot ken nakadadaelan ti imprastruktura.
Dagus a kinordon dagiti otoridad ti nasao a lugar ken naipatungpal ti re-routing dagiti behikulo tapno maliklikan ti disgrasya.
Iti agdama, im-imbestigaran dagiti otoridad ti pudno a makagapo ti insidente, nu adda pakainaiganna iti underground construction, ageing pipelines, wenno soil instability.
Awan ti naipadamag a nadangran iti nasao nga insidente.
