Impaulog ni Governor Raphaelle Veronica A. Ortega-David iti Executive Order No. 41 Series of 2024 tapno ma-extend iti pannakasuspinde iti klase kadagiti amin a pagadalan kasta met ti trabaho ti government institutions ken establishments ditoy Probinsya ti La Union agingga ita nga aldaw, Hulyo 26, 2024.
Inaramid daitoy iti Gobernadora tapno masiguro iti kinatalged ken maikkan gundaway a makarekubre manipud ti epekto iti Southwest Moonsoon a pinapigsa ti Bagyo Carina dagiti estudyante ken mangmangged iti gobierno.
Segun iti Philippine Atmospheric, Geophysical And Astronomical Services Administration (PAGASA), naipasidong ti Probinsya ti La Union iti “Red Warning” maibasar iti Heavy Rainfall Warning No. 25 ken paregtaen dagiti maseknan nga agresponde iti seryoso a panaglayos ken panagregga-ay ti daga.
Kabayatanna, saan a kabilang ti pannakasuspinde dagiti kameng ti lokal a gobierno manipud iti maintenance of peace and order, disaster risk management, health and sanitation, ken kapada nga opisina.
