Binotosan ti parliamento ti Iran nga ipaserra ti Strait of Hormuz a pagaammo kas pagdaldalanan ti nasurok 20% a langis ti intero a lubong.
Segun kadagiti ekonomista, mabalin a mangigubuay daitoy ti oil prices spike nga agingga 30-50% wenno nasursurok pay.
Gapo iti addang ket agpegpeggad a makapadas ti amin a nasyon ti global inflation, depende nu kasatno kapaot iti pannakaipaserra ti nasao a chokepoint.
Kabayatanna, ngumatngato pay iti tensyon gapo iti manamnama a panagresponde manen ti US Navy ken dagiti kaalyado da.
Ti Pilipinas ket nakadepende la unay kadagiti oil imports – kayat na a satwen ket maysa tayo kadagiti pagilian nga umuna a makapadas ti epekto ti desisyon ti parliamento ti Iran a mapasarunuan pay ti panagbalbaliw ti presyo dagiti kangrunaan a magagatang gapo iti market disruption.
Inton bigat ket maipatungpalen ti aganay kwatro pesos a big time hike kadagiti produkto a petrolyo.
