BR LA UNION – Pormal a nangidatag ti kaso nga administratibo iti whistleblower a ni Julie Patidongan Alyas Totoy idi kalman, Hulyo 14, kontra iti 12 a pulis a mairam-raman iti panagpukaw ken pammapatay kadagiti sabungeros.
Kagiddan ti panangidatag ti kaso iti National Police Commission (NAPOLCOM), iti panangbigbig na kadagiti respondents nga isuda:
Police Colonel Jacinto Malinao Jr.
Police Lieutenant Colonel Ryan Jay Orapa
Police Major Mark Philip Almedilla
Police Executive Master Sergeant Aaron Ezrah Cabillan
Police Chief Master Sergeant Arturo dela Cruz Jr.
Police Staff Master Sergeant (PSMS) Joey Encarnacion
PSMS Mark Anthony Manrique
PSMS Anderson Abale
Police Master Sergeant (PMSG) Renan Fulgencio
Police Staff Sergeant (PSSG) Alfredo Andres
PSSG Edmon Muñoz
Police Corporal Angel Joseph Martin
Inakusaran ni Patidongan dagiti police personnel a direkta nga adda ammo da iti pannaka-dukot ken panagpukaw dagiti mammallot a maipagarop nga agkus-kusit iti cockfighting game.
Inbutaktak na pay a naibelleng ti bangkay dagiti mammallot idiay Taal Lake.
Segun kenni Patidongan, dagiti nasao a pulis ket maipagarop nga umaw-awat ti binulan a payola, manipud P200,000 agingga P2 million manipud iti negosyante ken gaming tycoon Charlie “Atong” Ang, a tudtudwenna a mastermind kadagiti missing sabungeros.
Ni Ang iti akinkukua dagiti cockpit arena, a pagpapaayan idi dagiti missing sabungeros.
