Insayangkat ti Department of Health ti maysa a digital platform tapno mapalaka ti access para kadagiti healthcare services dagiti pasyente ti intetro a Pilipinas.
Daitoy ket babaen ti maaw-awagan kas Patient Appointment System (PAS) nga indatag ti Dr. Jose Fabella Memorial Hospital.
Panggep daitoy a maaddaan iti sistema ti naparpatak a pannakaipaay ti outpatient services kadagiti ospital babaen ti ahensiya.
Babaen met ti nasao a sistema ket insigida a maikkan iti schedule dagiti a agpakonsulta tapno saan dan nga agur-uray pay nga agmalem.
Segun kenni Health Secretary Ted Herbosa, maiyannurot ti nasao nga inisyatiba iti 8-Point Action Agenda ti Marcos administration.
Maaramat pay daitoy tapno maamwan iti health trends ken mapasayaat ti panangipaay ti serbisyo pangsalun-at.
