Nakasangpeten sadiay New Delhi, India ni Presidente Ferdinand Romualdez Marcos Junior tapno dar-ayan ti maika-18 a BRICS Summit, manipud ita a Setyembre 12 agingga 13.
Makipaset iti presidente a kas Chair iti Association of Southeast Asian Nations (ASEAN) ita a tawen 2026 ken kas invited outreach country.
Manamnama nga ilanad na dagiti prayoridad ti Association of Southeast Asian Nations wenno ASEAN ken ilungalong ti nalawlawa a kooperasyon kadagiti pagilian ti BRICS – Brazil, Russia, India, China, South Africa – partikular iti panagnegosyo, komersyo, seguridad, seguridad ti taraon ken enerhiya, ken climate resilience.
Napateg iti pannakisalip iti Pilipinas para iti gundaway a mapapigsa iti koneksyon ti ASEAN kadagiti rumangrang-ay a pagilian.
Malaksid iti summit ket makisarungkar pay ni Presidente Marcos kenni Indian Prime Minister Narendra Modi tapno dakamaten dagiti pagsayaatan ken interes ti Pilipinas ken India.
