Awan pay ti napili ni Presidente Ferdinand Marcos Junior a baro nga lider ti kapulisan a sumukat kenni Philippine National Police Chief Rommel Francisco Marbil a napawaywayan ti termino na gapo iti eleksyon.
Kinuna ti Malakanyang a kadagiti sumaganad nga aldaw da pay nga ibutaktak nu adda iti napilin ti Presidente.
Segun kenni Palace Press Officer Undersecretary Claire Castro, iti agdama ket awan pay ti umdas nga impormasyon ti posible a sumukat kas successor ni Marbil.
Kabayatanna, maysa met a maibilbilang kas strong contender ket ni 3-star Generals Lieutenant General Jose Melencio Nartatez a nasinged kenni Senadora Imee Marcos ken CIDG Chief Major General Nicolas Torre III.
Nauni pay ti nagan ni Torre kasaruno ti balligi a sensitibo nga operasyon na kas iti pannakarestar kenni Pastor Apollo Quiboloy ken ti sigud a Presidente Rodrigo Roa Duterte.
Inwaragawag ni Castro a nalalaing ken nangato ti integridad dagiti nadakamat a nagan ngem nasaysayat lattan kunana nga urayen ti waragawag manipud mismo kenni Presidente Marcos.
