Inlawlawag ti Malakanyang nga awan ti aniaman a partisipasyon ken awan ti puot ni Presidente Ferdinand Marcos Junior para ti aniaman a katulagan ti nagbaetan a Bise Presidente Sara Duterte ken ni Senadora Imee Marcos mainaig iti pannakulong ni sigud nga Presidente Rodrigo Roa Duterte sadiay International Criminal Court (ICC).
Daitoy ti kinuna ni Palace Press Officer Undersecretary Claire Castro kasaruno ti waragawag ni VP Sara a mangpapabasol a ni Presidente Ferdinand Marcos Jr ti nangipatulod iti ama na sadiay The Hague, Netherlands; ken gapo iti dayta ket ni Senadora Marcos met ti mangpaawid kenkuana ditoy Pilipinas.
Impaganetget pay ni Castro nga awan ti ammo ti Presidente iti katulagan ti nagbaetan ti maysa nga mangus-usar ken ti maysa a nakasagana nga agpausar. at isang handang magpagamit. Ti laeng pagayatan ti Presidente kunana ket agtultuloy a tumutok iti trabaho na – aksyon ken san nga agbakasyon.
Idi nadamag met ni Castro nu adda iti paspasagidan na a tao a nakabakasyon ita ket nagkedked daitoy a mangsungbat ket innayon na a makakaammon iti publiko nga agobserbar ken takuaten nu adda aya dagiti indibidwal a panay bakasyon laeng ti araramiden da iti agdama.
