Binili ni Presidente Ferdinand Marcos Junior ti Department of Health (DOH) a sungbatan ti ngumatngato a kaso ti HIV ditoy Pilipinas.
Segun kenni Health Secretary Ted Herbosa, strikto daitoy a pammilin ni Presidente Marcos a palakaen ti panangipaay ti serbisyo babaen ti naparpartak a serbisyo kadagiti kangrunaan nga ospital a pagturturongan dagiti indibidwal nga addaan iti HIV.
Impaganetget ti sekretaryo a babaen ti nasao a sistema ket masiguro payen ti regular a konsultasyon dagiti addaan ti nasao a sakit.
Pinainget payen ti DOH ti kampanya da a maikkat ti panunot dagiti Pilipino ti panagbuteng ken stigma maipanggep iti daitoy.
Maibasar ti datos ket dumanon ti inaldaw a 57 a baro a kaso ti mailislista manipud Enero agingga Marso, wenno para ti umuna a quarter ti tawen 2025.
Addaan met ti agas a saan a makapatay ti HIV basta regular ti panagtumar ken konsultasyon. Innayon pay ni Herbosa a mangipaay ti ahensya ti libre nga anti-retoviral wenno ARV drugs kadagiti naakaran ti sakit.
Mainaig iti dayta ket tarigagay ni Herbosa kadagiti kongresista a maamyendaran ti linteg maipapan ti HIV.
