LA UNION – Binilin ni Pangulong Ferdinand Marcos Jr. iti Department of Public Works and Highways (DPWH) a rugyanen iti konstruksiyon ti Stage 2 Integrated Disaster Risk Reduction and Climate Change Adaptation Project idiay Pampanga.
Inaramid ti Presidente iti direktiba kalpasan iti inagurasyon ti Stage 1 ti IDRR-CCA sa Masantol, Pampanga idi kalman.
Segun iti Presidente, kasapolan a maileppas iti mabiit ti nasao a proyekto tapno makissayan iti mapas-pasaran a nalawa a panaglayos kadagiti ili ti Macabebe, Masantol, Minalin, Sto.Tomas ken Apalit, nangruna nu tiyem,po ti panagtutudo.
Kinuna na a dackel iti epekto iti panagngato ti layos iti bimtak a bulkan Pinatubo idi 1991 agsipudta naisullat dagiti dapo ken lahar kadagiti karayan ken waterways.
Imbaga ti Presidente nga apaman a malpas iti nasao a proyekto, maaddaanen ti proteksiyon dagiti residente idiay Pampanga manipud iti panaglayos nangruna kadagiti agnanaed iti low lying areas.
Imbida pay ti Presidente a gapu iti Stage 1 Integrated Disaster Risk Reduction and Climate Change Adaptation Project ket naparpartaken nga agpababa iti layos kadagiti nadakamat a lugar iti uneg ti 17 nga aldaw manipud iti 66 days a panaganus dagiti residente iti layos.
Pinagyamanan ni Presidente Marcos iti Korean government a nangpondo iti proyekto.
Kabayatanna, siniguro met ni Ambassador of the Republic of Korea to the Philippines Lee Sang-Hwa a sibubukel iti suporta ti gobyerno da para iti Pilipinas nangruna iti panagipatakder dagiti flood control projects idiay Pampanga.
