BR LA UNION – Dinutukan ni President Ferdinand Marcos Jr. ni Philippine Army BGen. Peter Burgonio kas baro a head ti Presidential Security Command (PSC) kasukat ni MGen. Nelson Morales.
Iti designation ni Burgonio ket kinumpirma ni Palace Press Officer ken PCO USec. Atty. Claire Castro.
Epektibo ita nga aldaw, March 4, 2025 iti designation ni Burgonio kas acting commander ti PSC.
Pinirmaan ni AFP Chief of Staff Gen. Romeo Brawner iti general orders seknan iti designation ni Burgonio.
Ni Morales ket nadutukan kas commander ti Philippine Air Force Education, Training and Doctrine Command.
Saan metten a nangipaay ti waragawag iti Palasyo ti rason iti pannaka-ikkat ni MGen. Morales iti pwesto.
