BR LA UNION – Dismayado ni President Ferdinand Marcos Jr kadagiti rumrumwar iti social media a klase ti pangkampanya ita iti sumagmamano a kandidato.
Segun kenni Palace Press Officer USec Claire Castro saan a naingkalintegan iti presidente dagiti bastos wenno mangibagbaga ti diskriminasyon iti panagsarita dagiti kandidato iti panagkampanya.
Takderan kunana ti presidnte a saan a rumbeng a mapasamak iti nasao a klase ti kampanya ita a panawen.
Kinuna ni Castro, saan a rumbeng nga aramiden nga isyu ken pagkakatawaan dagiti kandidato iti content ti kampanya a ti kangrunaan a topiko ket dagiti babbai.
Saan a rumbeng a pamarisan dagitoy ken saan a maiparbeng nga aramiden nga idolo ti publiko dagiti nasao a klase ti kandidato.
Impaganetget ni castro nga imbes a bastos a naratibo, nasay-sayaat nu iti aramiden dagiti kandidato ket itandudo ti respeto, integridad ken kinapudno iti waragawag iti sango dagiti botante.
Nakaragsakan met ni President Marcos iti napartak nga aksyon iti Comelec kadagiti nasao a klase ken saan a naingkalintegan a panagkampanya.
