Imbida ni Presidente Ferdinand Marcos Jr. dagiti dua a katulagan nga pinermaan ti ti Pilipinas ken United Arab Emirates a comprehensive economic partnership agreement wenno CEPA ken Memorandum of Understanding on defense cooperation.
Segun ti Presidente, babaen ti CEPA ket lumawa iti market access ti Pilipinas iti Middle East para kadagiti produkto ti pagilian, karaman iti suplay ti professional services, health, construction, information and communications technology ken dadduma pay.
Iti panangpapigsa iti market access para kadagiti Filipino service providers nga agturong idiay UAE ket maysa a nalawag a panangbigbig iti professional competence ken excellence wenno panagbalin a nalaing dagiti Pilipino, ken panangbigbig iti saan a magatadan a kontribusion iti ekonomiya ti UAE.
Para iti napermaan a MOA on Defense Cooperation, kenuna ti Presidente a mangited-dalan daytoy iti naun-uneg a pannakitinnulong idiay UAE iti advance defense technologies kas iti unmanned aerial system, electronic warfare, ken naval systems a napateg iti panangpamoderno ken panangpasayaat iti kapabilidad ti puersa armada.
Mapapigsa iti defense ken military relation dagiti dua a pagilian babaen ti edukasion ken panagsanay, intelligence ken security sharing, kooperasion iti sidong ti anti-terrorism, maritime security ken peacekeeping operations.###
