Imbilin ni Presidente Ferdinand Marcos, Jr. iti Department of Education (DepEd) a siguraduen ti napintas a serbisyo ti danum ken kuryente ti intero a Pilipinas.
Impasiguro ti Presidente a sibubukel ti suporta ti gobierno iti tay-ak ti eduksasyon ket binilin na dagiti ahensya kas DOH, DSWD, DTI, ken DOTr a tulungan ti DepEd ita a nangrugin ti klase.
Imbatad ni DepEd Secretary Sonny Angara nga ipaspasiguro ti Presidente kenkuana ti natalged a water service kadagiti pagadalan para ti kinatalged dagiti estudyante. Kayat pay nga iprayoridad ti Presidente ti panangpapirmis kadagiti comfort rooms tapno maliklikan dagiti posible a sakit a maala gapo iti kinarugit dagitoy.
Kabayatanna, bimmida met ti aganay 20K a baro a lukat a posisyon para kadagiti mannursuro, ken 16-k kadagitoyen ti in-hire ti Deped. Nabilin met ti DICT a palawaen pay ti internet coverage nu sadino ket 60% pay laeng kadagiti pagadalan ti addaan ti internet. Maysa pay iti DSWD a nabilin met a tutokan dagiti kaso ti bullying ken mental health problem.
Kabayatanna, pinasingkedan ti Presidente a rugianen ti gobierno ti feeding program inton sumaruno a bulan.
