BR LA UNION – Nangipaay ti mensahe ni President Ferdinand Marcos Jr. kadagiti agtutubo, estudyante, ken nagannak kalpasan iti nagsasaruno a trahedya a napasamak iti sumagmamano a pagadalan ditoy pagilian.
Nagpanawagan ti Presidente iti kolektibo nga addang tapno maprotektaran dagiti agtutubo kontra iti kinaranggas, panagbabay-a, ken dadduma pay a peggad.
Kinuna na a ti pagadalan ket rumbeng a lugar a pagsurwan, pakabukelan ti arapa-ap, ken panagdur-as, saan ketdi a lugar a pakaisagmakan ken pagbutngan ti nagannak para iti kinatalged dagiti annak.
Binilin pay ni Presidente Marcos dagiti ahensya ti edukasyon, pulisiya, salun-at, ken dagiti lokal a gobyerno a lalo pay nga irutan dagiti addang para iti kinatalged dagiti agad-adal iti intero a pagilian.
Kabayatanna, inallokoy ti ehekutibo iti nagannak a mangilatang ti oras, atensyon, ken pannaka-awat kadagiti annak agsipudta dagitoy iti mangirugi ti pudpudno a proteksyon.
Impaganetget pay ti Presidente a ti panagkiddaw ti tulong ket saan a panangipakita ti kinalupoy.
