Impasiguro ni Presidente Ferdinand Marcos Junior iti umili nga Pilipino a kontrolado ti gobierno ti sitwasyon iti panagsungbat kadagiti didigra ken kinunana nga umdas dagiti assets tapno mataming daitoy.
Iti maysa a waragawag, impasiguro ti Presidente a palawaen pay ti gobierno dagiti resources na tapno agbalin a makabael kadagiti maar-aramid nga disaster management efforts.
Kinuna ti Chief Executive a mabalin a maibusbos amin nga resources ken personel gapo iti epekto ti bagyo ken adu pay kunana ti wagas.
Agtultuloy ita dagiti maisaysayangkat nga relief ken recovery efforts kadagiti lugar a dinuprak ti Super Typhoon Leon ken Kristine.
Naka-alerto itan amin nga ahensya ti gobierno ken agtaltalinaed a nakasagana a mangideploy ti tulong sadino man iti agkasapulan.
