Aminado ni Presidente Ferdinand R. Marcos Junior ng adu pay dagiti palpak ken ghost flood control projects a kas iti ininspeksyon na idiay Barangay Piel, Baliuag, Bulacan.
Malidayan iti Presidente nga adu pay dagiti proyekto nga adda pakainaigan na kadagiti flood controls nga arig na iyaleng-aleng laeng dagiti responsable iti pannakaipasdek da.
Kinunana a manipud idi naiyuswat ti “sumbong sa pangulo website” ket naglayosen dagiti maaw-awat da a ladawan ken reklamo nga iti agdama ket tarigagay ti opisina na a tingitingen.
Mainaig iti daitoy ket impasiguro ti Presidente a saan da nga agtalna agingga maibutaktak amin dagiti pakabigbigan dagiti politiko, DPWH, contractors, ken dadduma pay a proponents nga adda iti likudan dagiti binilyon a gatad a maanomalya a flood control projects.
Sakbayna ket hinarang ni PBBM ti pannakai-release ti P60 agingga P80-B a pondo babaen ti 2025 budget a segun iti Malakanyang ket puro infrastructure projects nga insingit laeng ti Kongreso ken saan met a nakalinya iti Philippine Development Plan ti administrasyon.
Kabayatanna, adda metten iti naitukon a legal team a nakamapaysa kadagiti maiyannatop a legal nga addang kontra kadagiti personalidad a karaman kadagiti naibutaktak nga iregularidad.
Iti agdama ket agtultuloy latta ti panagadal iti legal team kadagiti records ti DPWH ken dagiti dadakkel a contractors nangruna nu mapasingkedan dagitoy ti report dagiti nagreklamo iti Sumbong sa Pangulo website.
