Indutok ni Presidente Ferdinand Marcos Junior kas baro a chairman ti Energy Regulatory Commission (ERC) ni Atty. Francisco Saturnino Juan, kasukat ni Monalisa Dimalanta.
Segun kenni Palace Press Officer Undersecretary Claire Castro, epektibo inton Agosto 8, 2025 ti appointment ken innayon na a ni Juan ket maysa a “seasoned energy expert,” nga addaan ti dekada a kapadasan kadagiti regulatory affairs.
Nagserbi pay isunan kas Executive Director ken General Counsel ti ERC ken iti agdama ket isuna ti Presidente ti Independent Electric Market Operators of the Philippines. Itantandudo ni Juan ti consumer protection ken renewable energy development babaen kadagiti tariff reforms.
Kabayatanna, indutok pay ti Presidente isuda Atty. Amante Liberato ken Atty. Paris Real kas baro met a commissioners ti ahensya.
Iti agdama, ni Liberato ti agdama a a deputy executive director for Finance and Administrative operations ti ERC. Maya isuna nga abogado ken certified public accountant kasta met a nalawa iti kapadasan na iti public finance.
Sigud isuna a nagserbi iti Commission on Audit ken addaan iti natibker a pakasaritaan maipanggep ti fiscal management ken regulatory policy.
Ni Real met ket maysa a litigator, addaan ti dua a dekada a kapadasan kas legal adviser, ken sangapulo a tawen a kapadasan ti ERC regulatory proceedings. Intantanduo na met iti legal integrity ken consumer protection.
Agtalek iti Palasyo a babaen ti baro a lider ken opisyales ti ahensya ket maitandudo metten ti mas epektibo, transparent, consumer decision-making, ken public service reforms ti ERC.
