Inawis ni Presidente Ferdinand Marcos Junior ni Thai Prime Minister Paetongtarn Shinawatra a sumarungkar ditoy pagilian.
Indanon ni Foreign Affairs Secretary Enrique Manalo ti imbitasion bayat ti meeting nga inangayna kenni Thai Foreign Minister Maris Sangiampongsa.
Innayon pay ni Manalo a ti nasao nga imbitasion ket ad-adda a mangpapigsa iti relasion ti Pilipinas ken Thailand.
Adda pay personal a diskusion iti nagbaetan dagiti dua a lider maipapan kadagiti rehional ken internasional a problema.
Nagkita da Presidente Marcos ken Thai Prime Minister Shinawatra bayat ti Association of Southeast Asian Nations Summit and Related Meetings idi napan a lawas idiay Laos.
