Makitaripnong ni Presidente Ferdinand R. Marcos Jr. kadagiti negosyante ken agpupuonan idiay Canada iti opisyal a panagbisita na ti nasao a pagilian inton Hulyo 1 agingga 4.
Segun kenni Palace Press Officer Claire Castro, makipaset iti panagtataripnong dagiti mangibagi manipud iti sektor ti panagminas, information technology (IT), business process management (BPM), telecommunications, nuclear energy, ken financial services.
Manamnama pay a mapermaan dagiti katulagan maipapan ti enerhiya, natural resources, trade & investments, immigration, turismo, ken kultura.
Makitaripnong pay iti presidente kenni Canadian Prime Minister Mark Carney tapno mapauneg iti koneksyon ti Pilipinas ken Canada, karamanen iti kooperasyon ti depensa, seguridad, enerhiya, ken napapateg a natural a baknang.
Kumadwa iti State Visit ni First Lady Louise Araneta-Marcos tapno makidangadang kadagiti Filipino communities idiay Vancouver, British Columbia.
