Inaklonen ni Presidente Ferdinand Marcos Jr. ti nagbalin a resulta ti Halalan 2025 nga uray pay saan a nakastrek iti 12-0 seats ti Senado dagiti sinuportaran na a senador.
Segun kenni Presidente Marcos, nakapilin dagiti umili a Pilipino kadagiti lider nga agdengngeg ken sumungbat kadagiti karit a sangsangwen ita ti pagilian kas iti inflation, isyu ti trabaho, ken korapsyon.
Nupay kasta, impasiguro ti Presidente a nuay saan a nangabak dagiti kandidato na ket agtultuloy latta ti trabaho ken misyon da para ti umili a Pilipino.
Iti sabali a bangir, dinayaw ni Presidente Marcos dagiti saan a napagasatan a kandidato iti impamatmat da a pigsa ti pakinakem iti panangitandudo ti serbisyo publiko.
Mangnamnama isuna nga agdengngeg kadagiti kiddaw ti umili dagiti baro a nabotosan nga opisyales ti pagilian – anya man iti nagtaudan da a partido – para iti natalged ken narang-ay a Pilipinas.
