Nakabiahen ni Presidente Ferdinand ‘Bongbong’ Marcos Jr. itay alas-10:22 ti bigat para ti maysa a working visit idiay Estados Unidos.
Kadwa ti Presidente ni First Lady Liza Araneta-Marcos kasta met dagiti dadduma a miembro ti gabinete ken agpaut dagitoy iti nasao a pagilian agingga inton aldaw ti Mierkules, Marso 11.
Immunan a kinuna ni Department of Foreign Affairs spokesperson Angelica Escalona a karaman kadagiti aktibidad ti Presidente ket ti high-level engagements sadiay United Nations, nu sadino ket manamnama nga agpanawagan isuna ti restraint kadagiti partido a karaman ti gyera idiay Middle East nga agsubli iti ”negotiating table.”
Mangipeksa iti Presidente kadagiti panagbetla na iti panagraem ti international law ken ti UN Charter kasaruno ti kumarkaro a tensyon.
Kabayatanna, makipaset met isuna iti panaglukat ti maika-70 a session ti UN Commission on the Status of Women ken nakatuding a makitaripnong kenni UN Secretary- General Antonio Guterres tapno dakamaten ti sitwasyon iti gyera.
