Impaganetget ni Presidente Ferdinand R. Marcos Junior iti kinapateg ti naun-uneg a kooperasion iti nagbaetan ti ASEAN ken New Zealand.
Segun kenni Presidente Marcos, kas Comprehensive Strategic Partners, iti panagtinnulong ti ASEAN ken New Zealand ket rumbeng a papigsaen kadagiti uppat a kangrunaan a paset ti kooperasion: Kinakappia (Peace), Panagrang-ay (Prosperity), Umili (People), ken lubong (Planet).
Dinayaw ti Presidente iti agtultuloy a panakipaset ti New Zealand iti maritime cooperation iti rehiyon babaen dagiti inisiatiba kas iti ASEAN Regional Forum Workshops on Implementing UNCLOS ken ASEAN Indo-Pacific Marine Debris Workshop, a makatulong iti panangpapigsa ti kabaelan dagiti pagilian iti panangsango kadagiti karit ti kabaybayan.
Siraragsak na nga inawat iti panangipatungpal ti Second Protocol to Amend the ASEAN–Australia–New Zealand Free Trade Area (AANZFTA) a mangpalawa ti market access, mangpapigsa ti regulatory certainty, ken manglukat ti ad-ado nga oportunidad iti e-commerce, sustainable trade, ken panangparang-ay dagiti MSMEs.
Napateg iti kooperasion ti sustainable agriculture and fisheries, iti kapadasan ti New Zealand iti agritech, sustainable farming, ken value-chain integration, tapno mapatibker iti pagbiagan ken seguridad ti taraon iti rehion.
Dinayaw na pay iti Manaaki New Zealand Scholarships a mangipapaay ti gundaway kadagiti estudyante manipud ASEAN a makatuloy ti nangatngato nga edukasion ken paunegen ti panagtinnulong ken relasion pangkultural.
Nadakamat met iti Mindanao Young Leaders Programme a tumultulong iti panagsanay ken panangpatibker ti kabaelan dagiti agtutubo a lider manipud Mindanao.
Nagyaman met iti Presidente iti New Zealand gapo ti kontribusion da iti ASEAN Centre for Biodiversity a nakabase ditoy pagilian, kasta met ti laing da iti biodiversity ken species conservation.
Kabayatanna, impasiguradona iti suporta ti Pilipinas iti ASEAN–New Zealand Comprehensive Strategic Partnership ken ti panangipatungpal ti biennial ASEAN–New Zealand Summit.###
