BR LA UNION – Inwaragawag ni President Ferdinand Marcos Jr., nga addan iti nasayaat a kasasaad ti salun-at na ken nagsubli metten iti regular a routine na.
Sungbat daytoy ti Presidente kalpasan ti saan nga agsar-sardeng nga isyu nga addaan ti sakit ken agsubli-subli iti ospital.
Segun iti Presidente, tallo a bulanen a mangisay-sayangkat ti panag-ehersisyo ken mabanbantayan ti salun-at na tapno agtalinaed a nakasagana iti trabaho.
Innayon na, nga awan ti sur-suruten na a dietary restrictions iti agdama, ngem adda iti balakad kenkuana a liklikan iti namantika unay a taraon.
Siniguro ti Presidente nga adda iti natalged a kondisyon, a kunana ket napintas a damag para iti publiko.
