Nangiyebkas ni Presidente Ferdinand Marcos Junior ti panakipamaysa na iti Filipino-Muslim community para iti selebrasyon ti Al-Isra Wal Mi’raj
Ti Al-Isra Wal Mi’raj ket maysa a rabii ti namilagruan a panagdaliasat ni Propeta Muhammad manipud Makkah aginggana idiay Masjid al-Aqsa idiay Jerusalem.
Iti maysa a statement, pinaregta ni Presidente Marcos dagiti kakabsat a Muslim nga agbiag a maitunos iti leksion ti piesta babaen ti panagregget ken nasayaat a relasion tapno maragpat ti balligi.
Intudo met ti Presidente ti kinapateg ti panagsakripisio ken pammati kas giya iti pannakaibangon ti natalna ken narang-ay a nasion para iti amin.
