Indatag ni Presidente Ferdinand Marcos Junior ti Independent Commission a mangimbestigar kdagiti palpak ken maanomalya a flood control projects.
Segun iti Presidential Communications Office (PCO), nabilin ti independent commission nga imbestigaran dagiti iregularidad, pagsungbaten dagiti karaman, ken isubli ti talek iti publiko iti panaggastar ti gobierno kadagiti imprastraktura.
Innayon pay ti Opisina a daitoy nga addang ket pammaneknek a natibker ti tignay ti gobierno a gibusen ti korapsyon, papigsaen dagiti institusyon, ken mangipadanon ti epektibo a serbisyo publiko babaen ti administrasyong Marcos.
Immunan a nirugiuan ti Senate Blue Ribbon Committee iti moto proprio inquiry seknan kadagiti isyu ti “Philippines Under Water” tapno imbestigaran dagiti ghost projects, substandard a proyekto, ken kontrata mainaig ti flood controls.
Inimbitaran met ti Kamara ti DPWH ken dagiti 15 a kompanya a nakaala ti 20% kadagiti flood control projects manipud 2022 para ti maysa a panagdengngeg inton bigat, Setyembre 2, 2025.
