Pappapigsaen ni Presidente Ferdinand Marcos Jr. iti Technical Cooperation Council of the Philippines (TCCP) tapno mapalawa iti pannakitinnulong ti Pilipinas iti sabali a pagilian.
Iti sidong ti Executive Order No. 115, nabilin iti TCCP nga ipatungpal iti programa a “Development Philippines” a mangipaay ti technical assistance kadagiti developing country.
Idauluan ti Department of Foreign Affairs (DFA) iti konseho, bayat a vice chair met ti Department of Economy, Planning, and Development (DepDev).
Trabaho ti konseho a siguraduen a nasayaat ken maiyannatup iti prayoridad ti gobierno dagiti programa ken pannakitinnulong ti pagilian iti dadduma nga estado.
Karaman kadagiti miembro iti Department of Agriculture (DA), Department of Environment and Natural Resources of the Philippines (DENR), Department of Science and Technology (DOST), Department of Trade and Industry (DTI), Department of Healthj (DOH), Department of Migrant Workers (DMW), ken Technical Education and Skills Development Authority (TESDA).
Maaddaan met ti Technical Working Group tapno bantayan iti panangipatungpal ti programa.###
