Nagpanawagan ni Presidente Ferdinand Marcos Jr., kadagiti Pilipino a botante nga agpili kadagiti lider nga addaan iti integridad, kabaelan, ken malasakit kadagiti umili.
Pinaregta ti Presidente iti amin a registered voters nga usaren da ti karbengan nga abotos.
Babaen ti Proclamation No. 878, indeklara ni Presidente Marcos ti Mayo 12,2025 kas special non-working holiday tapno makadar-ay dagiti registered voters iti national and local elections.
Kabayattana, impasiguro met ni Presidential Communication Office Secretary Jay Ruiz iti publiko a nainget a makikoordinar dagiti nagduduma nga ahensya ti gobierno kadagiti stakeholders tapno masiguro nga agbalin a nakapia ti panagbotos.
Impaganetget ni Ruiz a ti mapagtalkan nga eleksyon ket napateg iti panagbukel ti maysa a digitally empowered democracy nu sadino ket tarigagay iti transparency ken talek iti sistema.
