LA UNION – Naital-o iti morale ti Armed Forces of the Philippines (AFP) kalpasan a dayawen ni President Ferdinand Marcos Jr., iti accomplishments dagitoy, nangruna iti kampanya kontra local insurgency ken panang-depensa iti teritoryo ti pagilian.
Iti naisayangkat a command conference idiay Kampo Aguinaldo itay agsapa , partikular a dinakamat ni President Marcos iti saan a matawaran a tured nga impamatmat dagiti suldado tapno protektaran ken depensaan ti pagilian kontra kadagiti kalaban.
Naminsan pay nga impaganetget ni Pres. Marcos nga agtultuloy iti panangipaay ti suporta ti gobyerno iti Puwersa Armada ti Pilipinas partikular iti panangi-patungpal dagiti baro nga estratehiya kontra cybercrime.
Impaganetget pay ti Presidente a napateg a maaddaan ti panagsanay ken ammo dagiti suldado iti isyu ti cybersecurity agsipudta dackel a banag daytoy tapno protektaran dagiti Filipino kontra iti pangta iti uneg ken ruar ti pagilian.
